HET JY 'N GIDS OM VIR JOU DIE PAD AAN TE WYS?

Johannes 8:12  ..."Ek is die lig vir die wêreld.  Wie My volg, sal nooit in die duisternis lewe nie maar sal die lig hê wat lewe gee."

As jy 'n vreemde plek besoek is dit goed om 'n gids te hê om jou rond te wys.  As jy gaan probeer om op jou eie reg te kom gaan dit 'n groot gesukkel en gesoek afgee en heel moontlik gaan jy 'n paar maal verdwaal.  Net so het ons ook op ons lewenspad iemand nodig om vir ons die weg aan te dui en in Johannes sê die Here dat Hy die lig vir die wêreld is.  Wie Hom volg sal nooit verlore gaan nie.  Wat 'n wonderlike gedagte dat ons nooit op ons eie hoef aan te sukkel nie. Ons Abba Vader is altyd daar om vir ons die pad te wys.

GEBED  :  Dankie Here dat U die lig vir my pad is en dat ek nooit hoef te verdwaal op die paaie van die lewe nie.  Amen.