So baie keer kyk ek na mense rondom my en dan wens ek ek kan my geloof uitleef soos hulle. Hulle bedien duisende mense met hulle praatjies, reis die wêreld vol om te preek, weet presies wat om waar te sê, ens. Ken jy ook sulke mense? Maar dan lees ons in 1 Korinthiërs 3:5 dat die Here wil hê elkeen moet die werk doen soos die Here dit vir hom gegee het. Nie almal van ons kan wêreld bekende predikers wees nie maar ons kan vandag God se opdrag uitvoer in die mense wat Hy oor ons pad stuur. 'n Drukkie hier, 'n bemoedigende woord daar is dalk al wat God wil hê jy vandag moet doen. Kom ons wees vandag God se hande en voete in hierdie wêreld en ons sal ware dienaars van God wees.
Gebed : Dierbare Vader maak asseblief vandag my geestes oë en ore oop vir die behoeftes van ander sodat ek U hande en voete in hierdie wêreld kan wees.
No comments:
Post a Comment